Балалардың жарақаттануы және оның алдын- алу жолдары.
Баланың құлап қалуы.
Абайсыз құлау - балалар арасындағы жазатайым оқиғалардың көпшілігінің негізгі себебі болып табылады. Дененің көгеруі, сүйектердің сынуының және бастың ауыр жарақаттарының ең көп тараған себебі - баланың жазатайым құлап қалуы. Баланың құлап қалуын алдын алуға болады, егер де: • Баспалдақтарға, терезелерге және балкондарға қоршаулар орнату керек. • Терезе 10 см-ден артық ашылмауы керек. Осы мақсатта міндетті түрде терезелерге шектеулерді қойыңыз.Жолдағы жарақат.
Балалар жолды кесіп өткенде, келесі жол ережелерін білуі және міндетті түрде сақтауы керек: • керек кезде жолдың шетінде тұрып қалу; • екі жаққа мүқият қарауға; • жолды кесіп өтпес бұрын, жолда машиналар немесе басқа көлік құралдары жоқ екеніне толық көз жеткізуге; • жолды кесіп өткенде, ересек адамның немесе өзінен үлкен баланың қолын ұстауға, бірақ ешбір жағдайда жолды жүгірмей өту керек; • жолды тек белгіленген жерлерде бағдаршамның жасыл сигналына өту; • жолдан өткен кезде кішкентай баланы қолынан ұстап өту керек; • баланы көшеден топ болып өту кезінде, "табын" сезіміне берілмеуге үйрету керек.Балалардағы күйіктердің болмауының профилактикасы.
• Егер де кішкентай бала үстел басында Сіздің тізеңізде отырса, онда Сіз ыстық сусындарды, бірінші тағамдарды тұтынбаңыз. • Жуынатын бөлмеде баланы ең алдымен, кранды суық сумен, содан кейін ғана – ыстық сумен ашуға үйрету керек. • Электр шайнекті пайдалану - жоғары қауіп төндіреді! Егер Сіз электр шәйнектерге баланың қолы жетпейтініне сенімді болсаңыз да, оның сымының орналасуын тексеріңіз – нәресте оны тартып, шәйнекті өзіне аударып алуы мүмкін. • Балаңызға ас үйде ойнауға болмайтындығын үйретіңіз - бұл тамақ дайындауға және жеуге арналған бөлме. Баланы ешқашан ас үйде бақылаусыз қалдырмаңыз! • Қыздыру беті бар барлық заттар (үтіктер, бұйралағыш үтіктер, кез-келген түрдегі жылытқыштар және т.б.) нәресте үшін қол жетпейтін жерлерде болуы керек. Сіз әрдайым тұрмыстық электр құрылғыларының дұрыс жұмыс жасайтындығын бақылауыңыз керек. Жылытқыштарды балалардың ұйықтайтын орындарының жанына қоймаңыз! • Қол жетімді розеткаларды арнайы құрылғылармен жабыңыз, сонда Сіздің балаңыз оларға ештеңе сала алмайды. Құрылғылардың электр сымдары баланың қолы жетпейтін жерде болуы керек – нәресте сымды аузына алып, оны жеуге тырысуы мүмкін!