Қызылша
Қызылша – адамдардың сезімталдығы 93-95 % құрайтын, аса жұқпалы инфекциялар тобына жататын жұқпалы ауру. Қызылша вирусы тек қана ауа-тамшылы жолмен таралады.
Қызылшамен ауырған науқас алғашқы 4 күн және бөртпе пайда болғаннан кейін 4 күн ішінде қоршаған ортаға қауіпті.
Клиникалық белгілері жедел және біртіндеп басталады:- дене қызбасы;
- кезеңдігімен және қосылып кетуімен сипатталатын дақты-папулезді бөртпе;
- мұрын қуысының бітелуі (ринорея) және коньюктивит (көздің қызаруы);
Қызылшамен ауыратын науқастарда отит, өкпе қабынуы, іш өту, көз көруінің жоғалуы, постинфекциялық энцефалит және өте аз кездесетін жеделдеу склероздық панэнцефалит сияқты бір немесе оданда көп асқынуларына алып келуі мүмкін.
Емделу жолдары:
Үй жағдайында өздігінен емделуге болмайды. Алғашқы белгілері білінген жағдайда тұрғылықты мекенжай бойынша емханаға, жедел жәрдем станциясына, жұқпалы аурулар ауруханасының қабылдау бөліміне медициналық көмекке жүгіну қажет!
Алдын-алу шаралары:
1 және 6 жас аралығында жүргізілетін екпе шараларын қабылдау нәтижесінде ғана қызылша ауруының алдын алуға болады.
2015 жылдың 15 қаңтардағы №1 Қазақстан Республикасының Бас санитар дәрігерінің «Қазақстан Республикасында қызылшаның алдын алу жөніндегі санитарлық-эпидемияға қарсы (профилактикалық) іс-шаралар жүргізу туралы» қаулысына сәйкес, қызылшадан қорғану үшін екпе алу қажет, Республика бойынша 15-19 жас және одан да ересектерге қосымша иммунизациялау шаралары өтіп жатыр.
ЕСІҢІЗДЕ БОЛСЫН! ҚЫЗЫЛШАДАН САҚТАНУДЫҢ ТИІМДІ ЖОЛЫ – ОЛ ВАКЦИНАЦИЯЛАУ.